وما كان المؤمنون لينفروا كافة، فلولا نفر من كل فرقة منهم طائفة ليتفقهوا فى

الدين ولينذروا قومهم إذا رجعوا إليهم لعلهم يحذرون (التوبة:122)

قیام کا پس منظر

حضرت الاستاذ مولانا خالد سیف اﷲ رحمانی کو اﷲ تعالیٰ نے شروع ہی سے فقہ کے میدان کے لئے منتخب کیا ہے، مولانا نے دارالعلوم دیوبند سے فراغت کے بعد دو سال دارالقضاء امارت شرعیہ ( پٹنہ ) میں رہ کر اس میدان میں کہنہ مشق مفتی اور قاضی کی طرح لکھنے اور رائے قائم کرنے کا ملکہ پیدا کرلیا، پھر آپ مختلف اداروں میں ایک عرصہ تک تدریس کے ساتھ فقہ و فتاویٰ میں علماء و فضلاء کی تربیت فرماتے رہے، تاہم ان اداروں میں فضلاء مدارس کی تربیت کا نظم ضمنی طورپر تھا، مولانا کو ان فضلاء سے شب و روز کا سابقہ تھا، بڑے بڑے اداروں سے فراغت کے باوجود ان فضلاء کی بعض پہلوؤں سے خصوصی تربیت کی ضرورت محسوس کی جارہی تھی اور آپ کے شب و روز کی محنت ان کو کسی لائق بنانے میں صرف ہوا کرتی تھی، آپ کا خیال تھا کہ یہ بڑے بڑے ادارے جہاں کے فارغین کی تربیت کی ضرورت پڑتی ہے، وہ اپنی جگہ کامیاب ہیں؛ لیکن یہ دور '' تخصص '' کا ہے اور ان بڑے بڑے اداروں میں تعلیمی شعبہ جات کے پھیلاؤ اور طلبہ کی کثرت کی وجہ سے یکسوئی کے ساتھ کسی ایک پہلو میں طلبہ کی قابلیت نمایاں نہیں ہو پاتی ہے؛ لہٰذا اس کے لئے ایسے نہج کے ادارہ کی ضرورت ہے، جہاں مختلف مدارس کے فارغین علماء کی کسی خاص موضوع سے متعلق باضابطہ تربیت کی جائے؛ چنانچہ اسی پس منظر میں مولانا نے وقت کے اکابر علماء سے مشورہ کیا اور شوال ١٤٢٠ھ میں '' المعہد العالی الاسلامی '' کے قیام کا اعلان فرمایا ۔٭                                                                ٭٭٭٭٭٭٭٭٭٭٭٭٭٭٭*٭٭٭٭٭٭٭٭٭٭٭٭٭٭٭٭

٭٭٭

دعوہ تربیتی کیمپ